HUW ap DAFYDD (fl. c. 1550-1628), bardd

Enw: Huw Ap Dafydd
Rhyw: Gwryw
Galwedigaeth: bardd
Maes gweithgaredd: Barddoniaeth
Awdur: Ray Looker

Gan mai boneddigion Gogledd Cymru oedd gwrthrychau ei farddoniaeth mawl a marwnad, gellir tybio mai brodor o'r Gogledd oedd yntau (er bod Cambrian Biography, Cymru (O.J.), Em. W., a Blackwell yn rhoi ei gartref yn Euas, sir Henffordd). Cadwyd llawer o'i farddoniaeth mewn llawysgrifau, yn cynnwys cywyddau i Hywel ap Sion ap Dafydd ab Ithel Fychan o Fryn Cynddel, Sion ap Hywel Fychan o Benllyn, Syr Rhoesier Salbri o Lyweni, Pyrs Salbri o Fachymbyd, Pyrs Gruffydd o'r Penrhyn, Lewys Owain, a Sion ab Elis Eutun o Riwabon.

Awdur

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/