JONES, MORRIS CHARLES (1819 - 1893), hynafiaethydd, a chychwynnydd y Powysland Club, Welshpool

Ganwyd 9 Mai 1819 o hen deulu yn y Trallwng. Bu'n gyfreithiwr yn Lerpwl am flynyddoedd. Yn 1867 paratôdd gylchlythyr a'i anfon at lawer o bobl, ' Proposals for the establishment of the Powysland Club,' a phan ffurfiwyd y gymdeithas efe oedd ei hysgrifennydd cyntaf. Bu'n cyfrannu erthyglau am chwarter canrif i Montgomeryshire Collections, cylchgrawn y gymdeithas; yn eu plith y mae ' The feudal barons of Powys,' ' The territorial divisions of Montgomeryshire,' ' Llanllugan Nunnery,' ' Devolution of the Manors of Arwystli and Cyfeiliog,' ' The Abbey of Ystrad Marchell,' a ' Materials for a History of Welshpool ' (gweler rhestr yn Collections, historical & archaeological relating to Montgomeryshire, xxvii, ynghyd â nodyn coffa). Yr oedd yn un o sefydlwyr y Powysland Museum. Bu farw yn y Gungrog, Trallwng, 27 Ionawr 1893.

Awdur

• John Davies Knatchbull Lloyd

Ffynonellau

• Collections Historical and Archaeological relating to Montgomeryshire, xxvii, 1893

Dolenni Ychwanegol

• VIAF: 311475796
• Wikidata: Q20733963

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/