THOMAS, RICHARD (1718 - 1807), cynghorwr Methodistaidd cyntaf Môn

Bedyddiwyd yn Llanfechell 31 Gorffennaf 1718. Oherwydd rhyw 'afreolaeth' ffoes i'r Deheudir; cafodd droëdigaeth yno tua 1739. Dechreuodd gynghori a gweithio'n ddiwyd. Edrydd mewn llythyr at Howel Harris ('Llanfeigan, Gorph. 27, 1746') ei fwriad i ddychwelyd i Fôn a phregethu i'w genedl ei hun. Cyfrifir ef y pregethwr cyntaf o sir Fôn. Dywedir iddo lwyr glirio ei ddyledion. Prin ydyw'r hanes amdano wedi dychwelyd; cofnodir iddo bregethu yng Nghaergeiliog 25 gwaith rhwng 1790 a 1799, ac enwir ef fel arolygydd y seiadau yn Llanrhyddlad a Llannerch-y-medd. Claddwyd yn Llanfflewyn, o Dŷ'n Llwyn, Llanfechell, 29 Ionawr 1807.

Cymysgwyd ef, yn anghywir, â RICHARD THOMAS, cynghorwr o'r De (a fu farw 1751).

Awdur

• Y Parchedig William Griffith, (1916 - 1972)

Ffynonellau

• Cofrestrau Llanfechell a Llanfflewyn
• llythyr at Howel Harris
• 'Richard Thomas, Pregethwr cyntaf Mon,' Y Llusern: cylchgrawn misol at wasanaeth eglwysi ac ysgolion Sabbothol y Trefnyddion Calfinaidd, 1890, tt. 163-165
• J. Morgan Jones a W. Morgan, Y Tadau Methodistaidd (1895-1897), ii, 178
• Cylchgrawn Cymdeithas Hanes y Methodistiaid Calfinaidd, Medi 1928, 101; Gorffennaf 1949, 45, n. 1
• Cofnodion Cyfarfod Misol Môn
• llyfr cyfrifon Caergeiliog (Ll.G.C.)
• Y Drysorfa, 1813
• Robert Jones (Rhoslan), Drych yr Amseroedd (Llanrwst 1841), 181
• Cylchgrawn Cymdeithas Hanes y Methodistiaid Calfinaidd, 1950, 41-5, 73-9 (ar y ddau Richard Thomas)

Dolenni Ychwanegol

• Wikidata: Q20804753

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/