WILLIAMS, ZACHARIAH (1683 - 1755), meddyg a dyfeisydd

a thad Anna Williams; Ganwyd yn Rosemarket, Sir Benfro, a bu'n dilyn ei alwedigaeth fel meddyg am beth amser yn Neheudir Cymru. Derbyniwyd ef i'r Charterhouse, Llundain, yn 1729 fel 'poor brother pensioner.' Rhydd teitlau ei lyfrau syniad am ei ddiddordebau - The Mariner's Compass Compleated, 1740 a 1745; A True Narrative of certain Circumstances relating to Zachariah Williams in the Charterhouse, 1749; a Account of an Attempt to ascertain the Longitude at Sea by an exact Theory of the Variation of the Magnetical Needle, 1755. Ni chafodd ddim lwc gyda'i ddarganfyddiadau a bu'n cyhuddo Samuel Molyneux o ddwyn ei gynlluniau. O fis Rhagfyr 1745 ymlaen yr oedd yn orweiddiog, a bu farw yn ddyn wedi ei siomi, 12 Gorffennaf 1755. Cymerai Samuel Johnson gryn ddiddordeb ynddo - chwilier mynegai Powell i arg. Birkbeck Hill o Boswell.

Awdur

• Yr Athro Gwyn Jones, (1907 - 1999)

Ffynonellau

• Oxford Dictionary of National Biography
• T. R. Roberts, Eminent Welshmen: a short biographical dictionary of Welshmen... from the earliest times to the present (1908)

Dolenni Ychwanegol

• VIAF: 8238869
• Wikidata: Q18917778

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/