CYNWAL, WILIAM (bu farw 1587 neu 1588), bardd

O Ysbyty Ifan, sir Ddinbych, disgybl i Ruffudd Hiraethog a disgybl pencerddaidd ail eisteddfod Caerwys (1568). Cadwyd nifer mawr o'i gerddi, yn y mesurau caeth gan mwyaf, a llawer ohonynt yn llawysgrif y bardd (e.e., NLW MS 3030B ). Testunau ei farddoniaeth oedd mawl, marwnad, a gofyn i wahanol foneddigion Gogledd Cymru, crefydd, serch, dychan, ac ymryson. Yr enwocaf o'r ymrysonau yw'r un hir rhyngddo ag Edmwnd Prys. Ceir ganddo hefyd herodraeth (e.e., Bangor MS. 5943), brut (Peniarth MS 212 ), gramadeg (Cardiff MS. 38), a darn o eiriadur yn llaw Edward Williams ('Iolo Morganwg') (NLW MS 13142A ). Cedwir copi o'i ewyllys, a wnaethpwyd ychydig cyn ei farw, yn y Llyfrgell Genedlaethol. Fe'i claddwyd yn Ysbyty Ifan a chanwyd marwnad iddo gan Edmwnd Prys.

Awdur

• Ray Looker

Ffynonellau

• Heraldic Visitations of Wales and Part of the Marches between the years 1586 and 1613, under the authority of Clarencieux and Norroy, two kings at arms (Llandovery 1846), ii, 278
• Archifau LlGC: Peniarth MS 128: Llyfr Edward ap Roger (680)
• Archifau LlGC: Llanstephan MS 137: Transcripts
• Llechid Jones MS. 10 (NLW MS 6495D, NLW MS 6496C)
• Josiah Thomas Jones, Geiriadur Bywgraffyddol o Enwogion Cymru (Aberdâr 1867-70)
• O. Gethin Jones, Gweithiau Gethin sef casgliad o holl weithiau barddonol a llenyddol (Llanrwst 1884)
• Y Llenor: cylchgrawn chwarterol dan nawdd cymdeithasau Cymraeg y colegau cenedlaethol, x, 122
• Reports on Manuscripts in the Welsh Language (Historical Manuscripts Commission 1898–1910), ii, 718
• Christ Church MSS. yn Rhydychen
• T. R. Roberts, Edmwnd Prys, archddiacon Meirionydd: traethawd bywgraffyddol a beirniadol (Caernarfon 1899), yn cymmwys cywyddau Cynfal a Prys

Darllen Pellach

• Erthygl Wicipedia: Wiliam Cynwal

Dolenni Ychwanegol

• VIAF: 33533592
• Wikidata: Q4220725

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/