ANTHONY, HENRY MARK (1817 - 1886), arlunydd
Dyddiad geni: 1817
Dyddiad marw: 1886
Rhyw: Gwryw
Galwedigaeth: arlunydd
Maes gweithgaredd: Celf a Phensaernïaeth; Natur ac Amaethyddiaeth
Awdur: Mary Gwyneth Lewis
Ganwyd ym Manceinion, o dras Cymreig. Symudodd ei deulu i'r Bontfaen, Sir Forgannwg, ac yno yn 16 oed aeth yn brentis at feddyg. Daeth yn berchen ar foddion annibynnol a rhoddodd y gorau i alwedigaeth meddyg, gan dreulio tua deng mlynedd ar y Cyfandir yn astudio celf; yn ystod y blynyddoedd hyn daeth dan ddylanwad Corot a Jules Dupré. Bu 129 o'i ddarluniau mewn arddangosfeydd rhwng 1837 a 1884 - yn eu plith ' A view on the Rhaidha [sic] Glamorganshire ' yn y Royal Academy yn 1837. Ceir peth o'i waith yn Amgueddfa Genedlaethol Cymru -e.e. golygfa o abaty Tintern. Yn 1858 aeth i fyw i Hampstead, lle y bu farw 2 Rhagfyr 1886.
Awdur
- Mary Gwyneth Lewis, (1912 - 1999)
- T. M. Rees, Welsh painters, engravers and sculptors, 1527–1911 (1912)
- T. M. Rees, Notable Welshmen (1700–1900) (1908)
- Michael Bryan, Bryan's dictionary of painters and engravers, 1930, 43
- Benezit, Dictionnaire critique et documentaire des peintres, sculpteurs, dessinateurs & graveurs des tous les temps et de tous les pays, 1948, i, 194
- National Museum of Wales, Catalogue of the pictures and sculpture exihibited in the Cardiff collections Trinity Street (Caerdydd 1914)
Ffynonellau
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.