Fe wnaethoch chi chwilio am Sir William Williams, 1st Baronet, of Gray
Ganwyd yn Nhreforus, Sir Forgannwg. Ordeiniwyd ef yn 1851 yn weinidog ar eglwysi Taihirion a'r Efail Isaf, Sir Forgannwg. Sefydlodd achos newydd yn y Bronllwyn yn 1858. Rhoddodd fugeiliaeth Taihirion i fyny yn 1893 ac eiddo'r Bronllwyn yn fuan wedyn. Bu farw 16 Medi 1904. Bu'n weinidog yr Efail Isaf hyd ddiwedd ei oes a chladdwyd ef ym mynwent y Tabernacl, Efail Isaf.
Er bod John Davies yn ŵr amlwg yn ei enwad, ac yn un o gyfarwyddwyr Cymdeithas Genhadol Llundain, teimlwyd ei ddylanwad yn bennaf yn ei fro ei hun, a sonnid amdano fel 'Esgob y Fro.' Bu'n effro o blaid addysg. Oherwydd ei ymdrechion ef yn bennaf y sefydlwyd Ysgol Frutanaidd Llanilltud y Faerdref, a bu am flynyddoedd yn aelod o fwrdd ysgol Pentyrch. Yn 1879 cyhoeddodd Bras Linelliad Hanesyddol o Gyfundeb Annibynol Dwyreiniol Morganwg.
Dyddiad cyhoeddi: 1953
Hawlfraint Erthygl: http://rightsstatements.org/page/InC-RUU/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.