EDWARDS, JOHN (fl. ail hanner y 17eg ganrif), pregethwr a Bedyddiwr rhydd-gymunol o'r Fenni, a chrydd wrth ei alwedigaeth

Bedyddiwyd ef yn y Fenni 16 Mehefin 1653, ei ethol yn ddiacon ar brawf 29 Rhagfyr dilynol, a'r un mis yn bregethwr. Yr oedd yn amlwg yn y ddadl fawr ar fedydd yn y dref yr un flwyddyn, ac yn arwyddo'r ' Humble Representation and Address ' i Oliver Cromwell oddi wrth eglwysi'r Deheubarth a Mynwy yn 1656. Dewiswyd ef gan y profwyr i bregethu yn Llangors (yn Cathedin, medd Calamy), ond collodd ei le i'r offeiriad Thomas Morgan 9 Rhagfyr 1660. Bu'n ffyddlon i'w broffes ar waethaf holl galedi'r erledigaeth, ac ar 10 Awst 1672, yn sgil y ' Declaration of Indulgence,' trwyddedwyd ei gartref yn y Fenni yn addoldy. Ni wyddys pa bryd y bu farw, ond y mae sôn amdano mor ddiweddar â 1689-90 fel diacon yn eglwys Llangwm, Mynwy, 'yn ffyddlon yn ei swydd ond yn isel yn y byd.'

Awdur

• Benjamin George Owens

Ffynonellau

• J. Walker, An attempt towards recovering an account of the numbers and sufferings of the clergy of the Church of England, heads of colleges, fellows, scholars, etc., who were sequester'd, harrass'd, etc. in the late times of the Grand Rebellion occasion'd by the ninth chapter (now the second volume) of Dr. Calamy's Abridgment of the life of Mr. Baxter. Together with an examination of that chapter, i, 160; ii, 258
• Edmund Calamy, An account of the ministers, lecturers, masters, and fellows of colleges and schoolmasters, who were ejected or silenced after the Restoration in 1660. By or before, the Act for Uniformity. (London 1713), ii, 733
• David Jones, Hanes y Bedyddwyr yn Neheubarth Cymru (1839), 212, 216-8, 245
• Joshua Thomas, Hanes y Bedyddwyr ymhlith y Cymry: o amser yr Apostolion, hyd y flwyddyn hon: yn ddwy ran (Caerfyrddin 1778), Atodiad, 6
• T. Richards, Religious Developments in Wales, 1654–1662 (1923), 45, 51, 386
• T. Richards, Wales under the Penal Code, 1662-1687 (1925), 99
• T. Richards, Wales under the Indulgence, 37, 98, 159-60, 198
• Joshua Thomas, A History of the Baptist Association in Wales (1795), 20
• Thomas Rees, History of Protestant Nonconformity in Wales from its rise in 1633 to the present time (London 1883), 140-1
• Catalogue of tracts of the Civil War and Commonwealth period relating to Wales and the Borders, National Library of Wales (Aberystwyth 1911), rhif 141
• Hanes y Bedyddwyr yn Nghymru, ii, 465-6; iii, 12
• Josiah Thomas Jones, Geiriadur Bywgraffyddol o Enwogion Cymru (Aberdâr 1867-70), i. 232

Dolenni Ychwanegol

• Wikidata: Q20733395

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/