EVANS, EDMUND (1791 - 1864), pregethwr Wesleaidd

Ganwyd 9 Gorffennaf 1791 yn Aberdeunant, Llandecwyn, Sir Feirionnydd. Wedi maith yngyndynnu ymunodd â'r seiat Wesleaidd yn Rhagfyr 1815, gwnaed ef yn flaenor yn Ebrill 1816, a dechreuodd bregethu yn Chwefror 1818. Daeth yn bregethwr poblogaidd a dylanwadol yn fuan, ac adnabyddid ef fel 'Utgorn Meirion.' Gwrthododd alwad i fugeilio hen eglwys y Cilgwyn (1837) gan ddewis aros yn bregethwr cynorthwyol gyda'r Wesleaid. Bu am gyfnodau'n bregethwr cyflogedig ar wahanol gylchdeithiau, yn casglu at ddiddyledu capelau, ac yn ddiwygiwr teithiol dan nawdd cyfarfod taleithiol Gogledd Cymru. Cyhoeddodd ysgrifau yn yr Eurgrawn Wesleyaidd, a golygodd gyfrol o bregethau, Dwfr y Bywyd (c. 1855). Bu farw 9 Hydref 1864.

Awdur

• Y Parchedig Griffith Thomas Roberts, (1887 - 1977)

Ffynonellau

• Archifau LlGC: NLW MS 3505D: Edmund Evans: Dyddlyfr
• Yr Eurgrawn Wesleyaidd, 1870, passim,; 1871, passim
• Garfield Hughes, 'Dyddiadur Edmund Evans,' Bathafarn: cylchgrawn hanes yr Eglwys Fethodistaidd yng Nghymru, i, 40-52
• Trwydded Edmund Evans i Bregethu, Bathafarn: cylchgrawn hanes yr Eglwys Fethodistaidd yng Nghymru, iii, 59

Dolenni Ychwanegol

• Archifau LlGC: A. H. Williams Papers 11: Transcript of Journal of John Hughes and Dyddlyfr Edmund Evans
• Archifau LlGC: NLW ex 3034: Beibl Edmund Evans
• Wikidata: Q20821117

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/