GRIFFITH, WALTER (1819 - 1846), dadleuwr dros Fasnach Rydd

ei dad oedd David Griffith o'r Blowty yn Llŷn, gweinidog Annibynnol yn Nhalsarn (1814-30) ac wedyn siopwr ym Methesda hyd 1840, pan aeth yn weinidog i Riwabon (Hanes Eglwysi Annibynnol Cymru, iii, 228, iv, 30); bu farw yn 1843; ganwyd Walter Griffith yn Awst 1819), a phrentisiwyd ef i siopwr ym Methesda. Symudodd i weithio gyda hetiwr ym Manceinion, ac yno atynwyd ef i'r mudiad i ddiddymu'r Deddfau Ŷd. Penodwyd ef yn siaradwr cyflog yng Ngogledd Cymru dros yr ' Anti-Corn-Law League,' a bu'n cynnal cyfarfodydd yng ngwahanol siroedd Gwynedd; sgrifennai hefyd i'r Dysgedydd ar y pwnc, a chyhoeddodd bamffled, Treth y Bara, yn 1840. Bu farw yn Abergele yn 1846. Dan y ffugenw ' Gwallter Bach,' canodd gryn swm o brydyddiaeth.

Awdur

• Yr Athro Emeritus Robert Thomas Jenkins, (1881 - 1969)

Ffynonellau

• Hugh Derfel Hughes, Hynafiaethau Llandegai a Llanllechid (1866), 97
• Y Dysgedydd, 1840, 1841, am hanes y cyfarfodydd masnach rydd

Dolenni Ychwanegol

• Wikidata: Q20734557

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/