HUGHES, WILLIAM (1849 - 1920), clerigwr ac awdur

Ganwyd ym Mangor 11 Chwefror 1849, mab David Hughes, capten llong, ac Elizabeth, ei wraig. Addysgwyd yng Ngholeg Dewi Sant, Llanbedr-Pont-Steffan. Bu'n gurad Glasinfryn, 1872-5, yn gaplan yr eglwys Gymraeg yng Nghaer, 1875-80, ac yn ficer Llanuwchllyn o 1880 hyd ei farwolaeth yno 29 Mawrth 1920; priododd Mary Thomas, a chafodd amryw blant. Yr oedd yn awdur hanesyddol hynod ddiwyd; y pwysicaf o'i lyfrau niferus yw ei Life of Dean Cotton, 1874; Life and Letters of Thomas Charles of Bala, 1881, 1909; Life and Times of Bishop William Morgan, 1891; Recollections of Bangor Cathedral, 1904; History of the Church of the Cymry, 1894-1904; a'r History of the Diocese of Bangor, 1911, yng nghyfres y S.P.C.K.

Awdur

• Yr Athro Emeritus Robert Thomas Jenkins, (1881 - 1969)

Ffynonellau

• H. B. Thomas, A History of the Diocese of St. Asaph (1874)
• gwybodaeth gan ei ferch, Mrs. Fynes-Clinton

Gweithiau

• William Hughes, A short memoir, with some writings, of the Rev. J. A. Jackson, B.A., Diocesan Inspector of Schools for the Diocese of St. Asaph (Rhyl 1877)

Dolenni Ychwanegol

• VIAF: 73625712
• Wikidata: Q20734642

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/