JENKINS, JOSEPH (1859 - 1929), gweinidog gyda'r Methodistiaid Calfinaidd
Dyddiad geni: 1859
Dyddiad marw: 1929
Rhiant: mary Jenkins (née Howells)
Rhiant: John Jenkins
Rhyw: Gwryw
Galwedigaeth: gweinidog gyda'r Methodistiaid Calfinaidd
Maes gweithgaredd: Crefydd
Awdur: Robert Morton Stanley Ellis
Ganwyd yn Nhan-y-chwarel, Cwmystwyth, 2 Tachwedd 1859, cofrestrwyd yn Llanbedr-pont-Steffan, 3 Rhagfyr 1859. Ei dad oedd John Jenkins, mwynwr plwm, a'i fam oedd Mary, gynt Howells.
Yn ifanc aeth yn brentis dilledydd at John Lloyd, Pentre, Rhondda; ymaelododd yn Nazareth, ac yno y dechreuod bregethu. Addysgwyd ef yn ysgol William James, Canton, Caerdydd, academi Pontypridd, a Choleg Trefeca. Ordeiniwyd ef yng nghymdeithasfa Aberystwyth, 1887. Bugeiliodd eglwysi Caerffili, Spellow Lane (S.), Lerpwl, Ceinewydd, Salem (Dolgellau), Garregddu (Ffestiniog), a Llanymddyfri. Bu farw 27 Ebrill 1929, a chladdwyd ef ym mynwent capel Cwmystwyth. Yr oedd yn gyfrwng amlwg yn niwygiad 1904-5.
Llosgfynydd o bregethwr ydoedd — ar adegau yn ddi-fywyd, ac ar adegau yn hylif eirias; fel personoliaeth a phregethwr yr oedd yn hollol ar ei ben ei hun.
Awdur
- Y Parchedig Robert Morton Stanley Ellis, (1898 - 1966), Tycroes
- Y Drysorfa, Gorffennaf 1929;
- gwybodaeth gan Parch. Elwyn Pryse, Llanrhaeadr-ym-Mochnant, a gopïodd y cofnodion plwyf;
- gwybodaeth gan aelodau o'i deulu.
Ffynonellau
- Wikidata: Q20733722
Dolenni Ychwanegol
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/