JONES, SAMUEL MAURICE (1853 - 1932), arlunydd

Ganwyd ym Mochdre, sir Ddinbych, 1853, mab y Parch. John Jones (1820 - 1886), gweinidog gyda'r Methodistiaid Calfinaidd. Cafodd ei addysg yng Nghaernarfon, Lerpwl, a Llundain. Yn Llundain daeth i gyffyrddiad â Ruskin a Holman Hunt, a chafodd beth hyfforddiant ganddynt yn ei gelfyddyd. Ymroddodd yn gyfan gwbl i'r gwaith o arlunio, gan baentio darluniau o olygfeydd yng Nghymru yn bennaf, yn enwedig y wlad o gwmpas Caernarfon, lle bu'n byw y rhan fwyaf o'i oes, a dyffryn Conwy. Yr oedd ar ei orau yn darlunio golygfeydd mynyddig. Gwnaeth gryn lawer o waith i Cymru (O.M.E.) ac i gyfrolau 'Cyfres y Fil.'

Yn 1882 etholwyd ef yn ' Associate ' o'r Royal Cambrian Academy, ac yn aelod cyflawn yn 1921. Fel rheol byddai ganddo ddarluniau yn arddangosfa flynyddol yr academi yng Nghonwy. Ysgrifennodd rai erthyglau i Cymru.

Yn ei flynyddoedd olaf aeth i fyw i Landudno ac yno y bu farw 30 Rhagfyr 1932. Bu'n briod deirgwaith, ac yr oedd ganddo un mab.

Awdur

• Edward Morgan Humphreys, (1882 - 1955)

Ffynonellau

• The Liverpool Daily Post, 2 Ionawr 1933
• gwybodaeth gan Mr. F. Lees, Ceidwad y Royal Cambrian Academy of Art

Gweithiau

• Samuel Maurice Jones, DV 104 (8vo): Art notebook and sketches, 1874
• Samuel Maurice Jones, DV 100 (8vo): Sketches, c.1890
• Samuel Maurice Jones, DV 101 (8vo): Sketches, c.1891
• Samuel Maurice Jones, DV 103 (8vo): Sketches, c.1909
• Samuel Maurice Jones, DV 102 (8vo): Sketches, 1915
• Samuel Maurice Jones, Tan y Castell, Dolwyddelan
• ArtUK: Samuel Maurice Jones, 1853–1932

Delweddau

• Joseph Kinsley, Samuel Morris Jones
• LlGC: Samuel Morris Jones
• LlGC: Samuel Morris Jones
• Evan Owen, Rev. John Maurice Jones [Brawd Samuel Maurice Jones]

Dolenni Ychwanegol

• Wikidata: Q20734392

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/