JONES, ROBERT (1769 - 1835), clerigwr

a chyfaill y bardd William Wordsworth; ganwyd fis Tachwedd 1769 yn Plas-yn-llan, Llangynhafal, sir Ddinbych, mab Edward Jones, atwrnai. Cafodd ei addysg yn ysgol ramadeg Rhuthyn cyn mynd i Goleg S. Ioan, Caergrawnt, lle yr oedd yn gyd-efrydydd â Wordsworth. Bu gyda'r bardd hwnnw ar daith gerdded ar gyfandir Ewrop yn 1790 ac ar daith arall trwy Ogledd Cymru yn 1791. Ordeiniwyd ef yn Llanelwy yn 1792 a bu'n gymrawd ei goleg hyd 1806; y flwyddyn honno dewiswyd ef yn rheithor Souldern, swydd Rhydychen. Ymwelodd Wordsworth ag ef yn Souldern yn 1820 a thrachefn yn 1824 ym mhersondy Llanfihangel-glyn-myfyr. Parhaodd Jones yn rheithor Souldern hyd ddiwedd ei oes, eithr treuliodd gyfnodau yng Ngogledd Cymru. Bu farw 5 Ebrill 1835 yn Plas-yn-llan; ni fu yn briod.

Awdur

• Y Parchedig Trevor Hugh Bowen

Ffynonellau

• T. H. Bowen, 'Robert Jones,' yn English, Gwanwyn 1950
• [1]The Poetical Works of William Wordsworth. Poems Written in Youth, Poems Referring to the Period of Childhood, Rhydychen, 1940. [2]The Poetical Works of William Wordsworth. Poems Founded on the Affections, Poems on the Naming of Places, Poems of Fancy, Poems of the Imagination, Rhydychen, 1944. [3]The Poetical Works of William Wordsworth. Evening Voluntaries, Itinerary Poems of 1833 (Rhydychen 1947) (gol. E. de Selincourt), iii, 452
• Llawysgrif Llechid Jones yn Llyfrgell Genedlaethol Cymru 23
• D. M. Lloyd, 'Wordsworth and Wales,' yn Cylchgrawn Llyfrgell Genedlaethol Cymru, vi, 338-52

Dolenni Ychwanegol

• Wikidata: Q20734341

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/