JONES, ROBERT ('Trebor Aled'; 1866-1917), bardd a gweinidog gyda'r Bedyddwyr

Ganwyd 4 Hydref 1866 yn Llety'r Eos, Llansannan, sir Ddinbych. Ni chaffodd ond ychydig addysg gynnar, a dechreuodd weithio yn ifanc iawn; bu'n fugail yn ymyl Dinbych am gyfnod, ac wedi hynny yn werthwr llyfrau dros gwmni o argraffwyr. Dechreuodd bregethu yn Ninbych yn 1893, ac ordeiniwyd ef yn weinidog yr eglwysi yn Llansannan a Llanfairtalhaearn yn 1898; symudodd i Dalybont, ger Aberystwyth, yn 1905. Cyhoeddodd Fy Lloffyn Cyntaf, sef Casgliad o Gynyrchion Prydyddol, 1894, Cofiant y Diweddar Thomas Jones, Llansannan, 1901, Awdl Geraint ac Enid (Testyn y Gadair Eisteddfod … Genedlaethol Rhyl, 1904, 1905), Pleser a Phoen, sef Cyfrol o Farddoniaeth yn y Llon a'r Lleddf, 1908, Talhaiarn, 1916. Bu farw 7 Ionawr 1917.

Awdur

• Ray Looker

Ffynonellau

• Baptist Diary and Handbook, 1918

Dolenni Ychwanegol

• Wikidata: Q20738153

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/