LEWYS, DAFYDD (bu farw 1727), Llanllawddog, Sir Gaerfyrddin, clerigwr

Fe'i gofir fel cyhoeddwr Flores Poetarun Britannicorum, 1710, ac fel awdur Golwg ar y Byd, 1725. Cafodd ficeriaeth Llangatwg, Glyn Nedd, Morgannwg, 21 Awst 1718, ac yno y claddwyd ef 21 Ebrill 1727.

Yn Llanllawddog yr oedd yn 1710; bu gŵr o'r enw (a ordeiniwyd yn offeiriad ar 1 Tachwedd 1715) yn gurad Llanllawddog a Llanpumsaint yn 1715-6. Ei waith ef hefyd yw Bwyd Enaid (1723), llyfryn o benillion wedi eu seilio ar adnodau o'r Beibl, a throsto ef ac eraill yr argraffwyd Gemmeu Doethineb Rhys Prydderch (1714), Llythyr at y Cyfryw o'r Byd, 1716, ac, yn ôl pob tebyg, Pregeth a Bregethwyd … Mehefin y 7, 1716 … Gan … Gwilim Arglwydd Esgob Ely , 1716. Ceir llawysgrif wreiddiol Golwg ar y Byd yn NLW MS 4563B: David Lewis: Golwg ar y Byd mawr... .

Awdur

• Rhiannon Francis Roberts, (1923 - 1990)

Ffynonellau

• D. Rhys Phillips, The History of the Vale of Neath (Swansea 1925), 79-80
• G. J. Williams, Traddodiad Llenyddol Morgannwg (1948), 262-3
• Ifano Jones, A history of printing and printers in Wales to 1810, and of successive and related printers to 1923 (Cardiff 1925), 42, 47
• Garfield Hughes, Bywyd a gwaith Iaco ap Dewi (Prifysgol Cymru 1939), traethawd M.A.

Gweithiau

• William Fleetwood, James Davies (cyf.), Dafydd Lewys (gol.), Pregeth a bregethwyd ynghapel Ty-Ely yn Holbourn yn Llundein, ar Ddydd Merchur ym Mehefin y 7, 1716. Sef Dydd y Diolchgarwch Cyhoeddus am fendith Duw ar gynghorion ac arfeu ei fawrhydi yn llonyddu y gwrthryfel annaturiol diweddar (Mwythig 1716)

Dolenni Ychwanegol

• Wikidata: Q20732747

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/