LLOYD, Syr THOMAS DAVIES (1820 - 1877), barwnig, tirfeddiannwr, a gwleidyddwr

Ganwyd 21 Mai 1820, yn fab hynaf Thomas Lloyd, Bronwydd, Sir Aberteifi (siryf sir Aberteifi, 1814), a'i wraig Anne Davies, merch John Thomas, Llwydcoed a Lletymawr, Sir Gaerfyrddin. Cafodd ei addysg yn ysgol Harrow ac yn Christ Church, Rhydychen. Priododd, Rhagfyr 1846, Henrietta Mary, merch George Reid, Bunker's Hill, Jamaica, a Watlington, swydd Rhydychen, a Louisa, merch Syr Charles Oakeley, barwnig. Yn 1840 ymunodd â'r ' 13th Light Dragoons '; wedi hynny bu'n gwasanaethu yn Canada gyda'r ' 82nd Foot ' - ac yn bennaeth ar adran o'r fyddin yn Ottawa. Cafodd ei ddewis yn ddirprwy-raglaw siroedd Aberteifi a Chaerfyrddin yn 1847, bu'n siryf Sir Aberteifi yn 1851, a gwnaethpwyd ef yn farwnig ym mis Ionawr 1863. Bu Syr Thomas yn aelod seneddol (Rhyddfrydwr) dros sir Aberteifi, 1868-74. Bu farw yn Llundain ar 21 Gorffennaf 1877. Yn rhinwedd y ffaith ei fod yn hawlio bod yn 23ain arglwydd Cemais yn Sir Benfro, a hynny mewn llinell ddidor, byddai'n arfer, bob blwyddyn, ddewis maer Trefdraeth, Sir Benfro, o dan ei awdurdod a'i sêl ei hun.

Awdur

• Major Herbert John Lloyd-Johnes, (1900 - 1983)

Ffynonellau

• Burke's … Peerage, Baronetage, and Knightage
• W. R. Williams, The parliamentary history of the principality of Wales, from the earliest times to the present day, 1541-1895 (Brecknock 1895)
• John Roland Phillips, A list of the sheriffs of Cardiganshire, from A.D. 1539 to A.D. 1868 with genealogical and historical notes (Caerfyrddin 1868)
• Thomas Nicholas, Annals and Antiquities of the Counties and County Families of Wales (London 1872), cyf.I
• Thomas Nicholas, Annals and Antiquities of the Counties and County Families of Wales (London 1872), cyf.II

Darllen Pellach

• Erthygl Wicipedia: Thomas Davies Lloyd

Dolenni Ychwanegol

• Wikidata: Q7529192

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/