MORGAN, Syr WALTER VAUGHAN (1831 - 1916), arglwydd faer Llundain

Ganwyd 3 Mai 1831, yn chweched mab i Thomas Morgan o Pipton, y Clas-ar-Ŵy (Glasbury), Brycheiniog, a'i wraig Elizabeth (Vaughan) - yr wythfed mab oedd OCTAVIUS VAUGHAN MORGAN, F.S.A. (1837 - 1896), aelod seneddol Rhyddfrydol dros Battersea, 1885-92; ar y teulu, gweler Theophilus Jones, History of the County of Brecknock (3ydd arg.), iii, 90. Yn wyneb colledion y teulu, aeth amryw o'r meibion i Lundain, a buont yn llwyddiannus dros ben. Bwriodd Walter Vaughan Morgan 10 mlynedd yng ngwasanaeth y National Provincial Bank mewn amryw leoedd (1846-56); yna ymunodd yntau â ' Morgan Bros. ' ac anturiaethau eraill ei frodyr. Bu'n arglwydd faer Llundain, 1905-6, a bu farw 12 Tachwedd 1916.

Awdur

• Yr Athro Emeritus Robert Thomas Jenkins, (1881 - 1969)

Ffynonellau

• Who was who?, a'r cyfeiriad uchod

Dolenni Ychwanegol

• Wikidata: Q7529393

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/