MOSTYN (TEULU), Talacre, sir y Fflint.

Y mae Mostyniaid Talacre yn disgyn o Peter (Peyrs, Piers), mab Richard ap Howel a'i wraig Catherine, merch Thomas Salusbury, yr hynaf, Llewenni — am Peter a Richard ap Howel gweler yr erthygl ar deulu Mostyn, Mostyn. Crewyd y farwnigiaeth yn y teulu hwn yn 1670, sef pan wnaethpwyd EDWARD MOSTYN yn farwnig, ac erbyn heddiw y mae rhif y barwnigiaid yn 12. Aelod o'r teulu hwn oedd FRANCIS EDWARD MOSTYN (1860 - 1939), pedwerydd mab yr 8fed barwnig. Daeth ef yn ‘Vicar Apostolic of Wales’ yn 1895; gwnaethpwyd ef yn esgob ‘Menevia’ yn 1898; a bu'n archesgob Caerdydd o 1921 hyd y bu farw ar 25 Hydref 1939.

Awdur

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/