POWELL, GRIFFITH (1561 - 1620), prifathro Coleg Iesu, Rhydychen

Ganwyd 1561, mab John ap Hywel, Llansawel, Sir Gaerfyrddin. Ymaelododd yng Ngholeg Iesu yn 1581; graddiodd yn M.A. 1589, ac yn D.C.L. 1599. Etholwyd ef yn gymrawd o'r coleg yn 1589, a dyrchafwyd ef yn brifathro yn 1613. Cyhoeddodd ddau lyfr yn delio ag adrannau o waith Aristotlys (1594 a 1598). Yr oedd Powell yn ŵr o ddylanwad mawr yn ystod ei flynyddoedd fel cymrawd o'r Coleg, a bu'n weithgar iawn yn ceisio cael trefn ar fywyd ac eiddo'r coleg yn ei gyfnod cynnar. Fel prifathro, ymroes i godi adeiladau newydd, a thrwy ei ymdrechion ef yr adeiladwyd y capel a'r ffreutur. Bu farw 15 Mehefin 1620, a chladdwyd ef yn eglwys Mihangel, Rhydychen, gerllaw Coleg Iesu.

Awdur

• Yr Athro Idris Llewelyn Foster, (1911 - 1984)

Ffynonellau

• Heraldic Visitations of Wales and Part of the Marches between the years 1586 and 1613, under the authority of Clarencieux and Norroy, two kings at arms (Llandovery 1846), i, 223-4
• Anthony Wood, Athenae Oxonienses (1813–20), ii, 283
• Hardy, Jesus College (1899), 1899
• T. R. Roberts, Eminent Welshmen: a short biographical dictionary of Welshmen... from the earliest times to the present (1908)
• Oxford Dictionary of National Biography

Dolenni Ychwanegol

• VIAF: 10196680
• Wikidata: Q5608910

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/