ROBERTS, JOHN (1823 - 1893), chwaraewr biliards

Ganwyd 12 Mehefin 1823; brodor o Lerpwl. Hanoedd ei rieni o ardal Holywell, Sir y Fflint, a medrai ef ei hun Gymraeg. Dechreuodd ei yrfa fel saer, ond yn fuan ymroes i filiards am ei fywoliaeth. Bu'n farciwr biliards yn Oldham ac wedyn yn oruchwyliwr yr Union Club Billiards Room ym Manceinion, 1845-52. Wedi hynny cadwai dafarn y Griffin yno. Yn 1849 heriodd Edwin Kentfield am yr anrhydedd o fod yn bencampwr Prydain, a phan wrthododd hwnnw chwarae'r ornest, hawliodd Roberts y teitl. Cydnabyddid ef yn bencampwr y deyrnas tan 1870, pan orchfygwyd ef gan ei ddisgybl, W. Cook, a orchfygwyd yn ei dro, yn 1885, gan John Roberts yr ieuengaf, mab John Roberts. Yr oedd yn awdur llyfr, sef Billiards (gol. gan Henry Buck), 1869. Bu farw yn ei dŷ ger Romford Road, Stratford, 27 Mawrth 1893.

Awdur

• Walter Thomas Morgan, (1912 - 1990)

Ffynonellau

• T. R. Roberts, Eminent Welshmen: a short biographical dictionary of Welshmen... from the earliest times to the present (1908)
• Ionawryn Williams, Geiriadur Bywgraffiadol, yn cynnwys Byr-hanes y Cymry mwyaf adnabyddus fuont yn preswylio yn Manceinion (1896)
• F. Boase, Modern English Biography containing many thousand concise memiors of persons who have died since the year 1850, with an index of the most interesting matter

Dolenni Ychwanegol

• Wikidata: Q20804729

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/