ROWLAND (neu ROULAND), DAVID, ' of Anglesey ' (fl. 16eg ganrif), cyfieithydd, etc.

Dywed Anthony Wood (Athenae Oxonienses) fod Rowland yn enedigol o sir Fôn, iddo adael S. Mary's Hall, Rhydychen, heb raddio, dyfod yn athro teulu i fab iarll Lennox, iddo drafaelio a dysgu ieithoedd, ac yna, ar ôl dychwelyd i Brydain, ddyfod yn athro i rai yn dysgu Groeg a Lladin. Cyhoeddodd A Comfortable Aid for Scholars, full of variety of Sentences, gathered out of an Italian author (London, 1578). Eithr fe'i coffeir yn fwyaf arbennig fel cyfieithydd nofel 'bicaresg' adnabyddus - The Pleausant Historie of Lazarillo de Tormes a Spaniarde, wherein is contained his maruelous deedes and life. With the straunge adventures happened to him in the seruice of sundrie Masters (London, 1586, ac argraffiadau eraill). Cyflwynwyd yr argraffiad cyntaf ' To the right Worshipful Sir Thomas Gressam Knight. ' Ysgrifennodd Rowland ' an epytaphe of my Lorde of Pembroke '; yr oedd hefyd yn gyfarwydd â'r bardd George Turbervile, awdur The Noble Arte of Venerie or Hunting.

Awdur

• Syr William Llewelyn Davies, (1887 - 1952)

Ffynonellau

• J. E. V. Crofts (gol.), The Pleausant Historie of Lazarillo de Tormes, Drawen out of Spanish by David Rouland of Anglesey, 1586 (Rhydychen 1924) (Oxford, 1924
• cyf. vii yn y 'Percy Reprints')

Dolenni Ychwanegol

• Wikidata: Q5800336

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/