THOMAS, SAMPSON (1739 - 1807), un o bregethwyr cynnar y Methodistiaid Calfinaidd yn Sir Benfro.

Dywedir ei fod yn enedigol o Drelech, Sir Gaerfyrddin, ac iddo ddod i Sir Benfro ar ei briodas yn 1773; bedyddiwyd un o'r enw, mab i George Thomas, ym mhlwyf Trelech a'r Betws, 28 Awst 1739. Argyhoeddwyd ef yn 1760; priododd yn 1773, ac aeth i fyw at ei wraig yn agos i Gaerfachell, lle yr oedd achos gan y Methodistiaid; byddai'n arfer mynd i Abergwaun un Sul yn y mis i bregethu. Âi hefyd ar deithiau, e.e. pregethodd yn Llanllyfni (Arfon) yn 1792. Bu ef a'i wraig farw yr un pryd; ceir cofnod am gladdu Sampson Thomas a Margaret Thomas yn Whitchurch, Sir Benfro, 18 Ebrill 1807.

Awdur

• Rhiannon Francis Roberts, (1923 - 1990)

Ffynonellau

• Methodistiaeth Cymru (1851–6), ii, 298, 307
• Josiah Thomas Jones, Geiriadur Bywgraffyddol o Enwogion Cymru (Aberdâr 1867-70), ii, 575
• Joseph Evans, Biographical Dictionary of Ministers and Preachers of the Welsh Calvinistic Methodist Body … to the close of the year 1850 (1907)

Dolenni Ychwanegol

• Wikidata: Q20746842

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/