WILLIAMS, DAVID (1793? - 1845), awdur llyfr Cymraeg a ysgrifennwyd yng ngwlad Mexico

Ganwyd c. 1793 yng Nglandŵr, gerllaw Abertawe. Daeth yn aelod gyda'r Annibynwyr yn y Mynydd-bach. Ymfudodd i Mexico, gan adael Hwlffordd, Sir Benfro, ar 12 Mawrth 1825 a chyrraedd Vera Cruz ar 13 Mai; dysgodd beth Sbaeneg yn ystod y fordaith. Cyhoeddodd Llythyrau Cymro yn Mexico at ei Gyfeillion yn Nglandwr wrth Abertawy … (Abertawy, 1827); cyhoeddwyd dwy ran allan o dair a arfaethid a chafwyd tri argraffiad yn yr un flwyddyn. Yn 1833 aeth yr awdur i U.D.A., gan ymsefydlu yn Allentown, Pennsylvania, a gweithio yn y Craneville Iron Works. Bu farw Mai 1845.

Awdur

• Robert (Bob) Owen, (1885 - 1962)

Ffynonellau

• Y Cyfaill cylchgrawn misol y Presbyteriaid Cymreig yn America (New York), 1845, 92
• Llythyrau Cymro yn Mexico (Dafydd Wiliams) at ei gyfeillion yn Glandwr, wrth Abertawy yn rhoddi hanes pob peth hynod a ganfu ar y môr; ac wedi tirio, rhodda hanes y wlad, ei brodorion, eu tai, eu gwisgoedd, eu dull o fyw, eu crefydd, etc.

Dolenni Ychwanegol

• Wikidata: Q20804686

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/