WILLIAMS, JOHN (1825 - 1904), clerigwr ac awdur

brodor o Sir Drefaldwyn Cafodd ei ordeinio yn 1868 gan esgob Llandaf a bu'n gurad yn Tredegar, sir Fynwy, 1868-76. Wedyn bu'n genhadwr ymhlith Cymry Llundain; ymddengys iddo fod yn llafurio ym mhlwyf S. Stephen's, Spitalfields hefyd. Dychwelodd i Gymru yn 1881 a bu'n gurad yn Newcastle (Penybont-ar-Ogwr) cyn cael ei ddewis, yn 1883, yn rheithor Penegoes, Sir Drefaldwyn. Ysgrifennodd Cymry Llundain (Caernarfon, c. 1867), A Defence of the Welsh People against the Misrepresentations of their English Critics (Caernarvon, 1869?), The Early British Church (London, 1877), Notes and Narratives of … Missionary and Ministerial Labours (Machynlleth, 1885). Bu farw yn niwedd mis Medi neu ddechrau mis Hydref, 1904.

Awdur

• Syr William Llewelyn Davies, (1887 - 1952)

Ffynonellau

• T. R. Roberts, Eminent Welshmen: a short biographical dictionary of Welshmen... from the earliest times to the present (1908)
• Bye-Gones, relating to Wales and the Border Counties, 1904, 415

Dolenni Ychwanegol

• VIAF: 61116018
• Wikidata: Q20821438

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/