WILLIAMS, WILLIAM ('Gwilym Twrog '; 1768 - 1836), bardd

Ganwyd yn ardal Maentwrog, Sir Feirionnydd, 22 Tachwedd 1768, a'i fedyddio yn eglwys Ffestiniog. Cyhoeddwyd llu o englynion, cywyddau, awdlau, ac emynau o'i waith mewn cylchgronau - Seren Gomer, 1823-35, Y Dysgedydd, 1823-31, Y Gwyliedydd, 1824, Tywysog Cymru, 1832-3, Y Gwladgarwr, 1834-5. Bu'n fardd Cymdeithas Cymreigyddion Llanfair, Sir Feirionnydd (1823), a chymdeithas Maentwrog (1825). Enillodd dlws Cymdeithas Cymreigyddion Llundain yn 1834 am gywydd. Yr oedd yn byw yn Garth Gwyn, plwyf Maentwrog. Bu farw yn Tŷ Nant yn yr un plwyf, 11 Awst 1836, a chladdwyd ym mynwent capel y Bedyddwyr Albanaidd, Ramoth, plwyf Llanfrothen, lle y buasai yn aelod.

Awdur

• Robert (Bob) Owen, (1885 - 1962)

Ffynonellau

• D. Williams, Cofiant J. R. Jones, Ramoth yn cynnwys casgliad helaeth o'i lythyrau (Caerfyrddin 1913), 542
• cofrestri plwyfi Maentwrog a Ffestiniog

Dolenni Ychwanegol

• Wikidata: Q28361719

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/