REES, EDWARD WALTER ('Gwallter Dyfi '; 1881 - 1940), rheolwr banc a cheidwad cledd yr Orsedd

Ganwyd 8 Hydref 1881 yn fab i Richard Rees ('Maldwyn ', bu farw 1927) a Jane (ganwyd Jones) ei wraig, Medical Hall, Machynlleth, Trefaldwyn. Mynychodd ysgol sir Machynlleth cyn mynd i weithio mewn banc, gan ddod yn rheolwr Banc Barclay yn Aberteifi ac wedyn yng Nghaerfyrddin (1926-40). Priododd, 8 Rhagfyr 1914, â Frances Anne Rees, Goleufryn, Eglwys Newydd, Morgannwg, a bu farw 24 Ebrill 1940, gan adael dau fab a merch. Yr oedd yn sylfaenydd ac ysgrifennydd Cymdeithas Cymrodorion Aberteifi ac yn aelod o nifer o gymdeithasau diwylliannol eraill. Ef oedd ysgrifennydd Eisteddfod Genedlaethol Caerfyrddin, 1911, a bu'n geidwad cledd Gorsedd y Beirdd am gyfnod maith, 1913-40. Golygodd golofn Ceredigion a Phenfro yn y Cardigan and Tivyside Advertiser am gyfnod. Yr oedd ganddo gasgliad da o hen lyfrau a llawysgrifau Cymraeg ac yn 1938 etholwyd ef yn drysorydd Cymdeithas Lyfryddol Cymru.

Awdur

• Dr Mary Auronwy James

Ffynonellau

• Mynegai Bywgraffyddol W. W. Price
• Cardigan and Tivyside Advertiser, 28 Mai 1926

Darllen Pellach

• Local weddings: Rees-RichardsThe Carmarthen Journal and South Wales Weekly Advertiser , 11 Rhagfyr 1914, t.5

Dolenni Ychwanegol

• Wikidata: Q28360844

Dyddiad cyhoeddi: 1997

Hawlfraint Erthygl: http://rightsstatements.org/page/InC/1.0/