Rydych yn darllen erthygl a archifwyd.

HOGGAN, FRANCES ELIZABETH (1843 - 1927), meddyg

Ganwyd yn Aberhonddu 20 Rhagfyr 1843, yn ferch i Richard Morgan, mab Robert Morgan o Henry's Mote yn Sir Benfro, a gwr gradd o Goleg Iesu, Rhydychen (1830 - Foster, Alumni Oxonienses); yr oedd ef ar y pryd yn gurad y Priordy yn Aberhonddu. Un o Philipiaid Cwmgwili oedd ei mam. Penodwyd Richard Morgan yn ficer Aberafan yn 1845, ond bu farw yn 1851.

Addysgwyd Elizabeth ar y Cyfandir, a phenderfynodd fynd yn feddyg; ond cafodd fod ysgolion meddygol Llundain wedi eu cau i ferched, ac felly aeth i Zurich. Graddiodd yn M.D. yno yn 1870 - hi oedd y ferch gyntaf o Brydain a raddiodd mewn meddygiaeth ar y Cyfandir, a'r ail ferch o gwbl i raddio yn Zurich. Dychwelodd i Lundain i weithio, gan roi sylw arbennig i afiechydon merched a phlant; a chyhoeddoedd res hir o bapurau meddygol, yma ac ar y Cyfandir. Yn 1874, ymbriododd â George Hoggan, meddyg. Bu Elizabeth farw ar 5 February 1927.

Awdur

• Yr Athro Emeritus Robert Thomas Jenkins, (1881 - 1969)

Ffynonellau

• Poole, The Illustrated History and Biography of Brecknockshire (1886), 297-8

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/