CYNWRIG HIR, o Edeirnion (1093).

Yn ' Hanes Gruffydd ap Cynan ' adroddir amdano'n dyfod i Gaer lle'r oedd Gruffydd yn garcharor Hu Iarll ers deuddeng mlynedd, gweld y tywysog mewn gefynnau, ei gario i ffwrdd tra oedd y bwrdeisiaid wrth eu bwyd, ei gadw'n ddirgel tros dro yn ei dŷ ei hun, ac yna ei ddwyn yn llechwraidd i Fôn. Os gwir yr hanes, yr oedd yn weithred dyngedfennol yn hanes Cymru yn wyneb pwysigrwydd gyrfa Gruffydd a'i ddisgynyddion ar ôl hyn. Nid oedd Arthur Jones a Syr J. E. Lloyd yn unfarn ynglŷn â hyd carchariad Gruffydd, ac felly ynglŷn â blwyddyn ymweliad Cynwrig â Chaer, ac ni roddai Syr J. E. Lloyd 'ymddiriedaeth hollol' yn yr hanes, ond y mae ' Hanes Gruffydd ap Cynan ' yn dystiolaeth gynnar.

Awdur

• David Myrddin Lloyd, (1909 - 1981)

Ffynonellau

• History of Gruffydd ap Cynan (1054–1137) (1910) (gol. Arthur Jones), 1910, 133-4
• J. E. Lloyd, A History of Wales from the Earliest Times to the Edwardian Conquest (London 1911), ii, 404

Darllen Pellach

• Erthygl Wicipedia: Cynwrig Hir

Dolenni Ychwanegol

• Wikidata: Q18535540

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/