DAVIES, JOHN IDRIS ('Ioan Idris '; 1821 - 1889), bardd

Ganwyd yn y Bala, mab John Davies, llyfr-rwymwr a gwerthwr llyfrau a phapurau. Cafodd y mab beth ysgol yn Nolgellau a'i brentisio wedi hynny gyda'i ewythr, Morris Davies ('Meurig Ebrill'), saer coed, a ddysgodd iddo, megis y gwnaeth John Jones ('Idris Fychan'), reolau barddoniaeth. Yn 21 oed ymfudodd i Utica, N.Y., ac wedyn i Cambria, Wisconsin, ac yn ddiweddarach, sef yn 1868, i Judson, Minnesota, lle y bu farw 13 Ionawr 1889. Yr oedd yn fardd da yn yr iaith Gymraeg. Cyhoeddwyd llawer o'i waith ym mhapurau newydd a chyfnodolion Cymreig America, eithr erys peth ohono heb ei gyhoeddi.

Awdur

• Robert (Bob) Owen, (1885 - 1962)

Ffynonellau

• Thomas E. Hughes, David Edwards, Hugh G. Roberts, a Thomas Hughes, Hanes Cymry Minnesota, Foreston a Lime Springs, Ia. (Minnesota 1895)

Dolenni Ychwanegol

• Wikidata: Q20733461

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/