DAVIES, TIMOTHY (1802 - 1862), offeiriad a phregethwr

Ganwyd 1802, mab D. Davies, curad Llanddeusant, Sir Gaerfyrddin. Cafodd ei addysg yn ysgol ramadeg Caerfyrddin o dan Hancock a D. A. Williams, canghellor Tyddewi wedi hynny. (Yr oedd ysgol ramadeg Caerfyrddin yn un o'r pedair ysgol ramadeg yn esgobaeth Tyddewi a drwyddedwyd gan yr esgob Burgess i addysgu rhai'n mynd am urddau eglwysig heb fedru mynd i brifysgol). Fe'i hordeiniwyd yn 1825 yn gurad Ystrad-gynlais, yn 1826 daeth yn gurad-parhaol Capel Coelbren, yn 1836 yn rheithor Ystradgynlais a ficer Defynnog. Priododd, 1840, Sarah, merch David Rees, Llanymddyfri. Bu hi farw yn 1858, gan adael pump o blant; bu ei gŵr farw, 25 Mawrth 1862. Yr oedd yn enwog fel pregethwr.

Awdur

• Y Canghellor John Williams James

Ffynonellau

• Yr Haul, 1862, 156-8
• T. R. Roberts, Eminent Welshmen: a short biographical dictionary of Welshmen... from the earliest times to the present (1908)

Dolenni Ychwanegol

• Wikidata: Q20734543

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/