DURSTON, THOMAS (bu farw 1767), gwerthwr llyfrau ac argraffydd llyfrau a baledi yn Amwythig.

Er nad yw'n sicr mai Cymro oedd Thomas Durston, argraffodd gynifer o lyfrau a baledi Cymraeg nes haeddu ohono gofnod byr yn y gwaith hwn. Dechreuodd argraffu yn Amwythig yn 1711 (e.e. Y Lyfr Gweddi-Gyffredin, Y Cydymmaith Goreu; yn y ty a'r stafell, cystal ac yn y Deml). Cafodd ryddfreiniad y 'Combrethren of Saddlers' ar 23 Mai 1714. Y mae'n debyg iddo barhau mewn busnes hyd ei gladdu ar 26 Medi 1767. Ynglyn â'i ddiffyg egwyddor ynglyn a gwaith argraffwyr eraill, gweler J. H. Davies, 'Early Welsh Bibliography,' yn Trafodion Anrhydeddus Gymdeithas y Cymmrodorion, 1897-8. Am deitlau rhai o gynhyrchion ei wasg gweler y ffynonellau a enwir isod.

Awdur

• Syr William Llewelyn Davies, (1887 - 1952)

Ffynonellau

• W. Rowlands, Llyfryddiaeth y Cymry (Llanidloes 1869)
• W. Rowlands, Y Traethodydd, 1850
• J. H. Davies, A Bibliography of Welsh Ballads printed in the 18th century (London 1908-11)
• Ifano Jones, A history of printing and printers in Wales to 1810, and of successive and related printers to 1923 (Cardiff 1925)
• Llewelyn C. Lloyd, 'The Book-Trade in Shropshire,' yn Transactions of the Shropshire Archaeological and Natural History Society, 1935, 1936

Gweithiau

• Y Brif addysg i ddarllain gyntaf, neu, Brimer Cymraeg a osodwyd allan yn gyfattebol i'r Llyfr Gwedi Gyffredin (Shrewsbury c.1730)
• Thomas a Kempis, Hugh Owen (cyf.), Pattrwm y gwir-Gristion: neu, Ddilyniad Jesu Grist (Mwythig c.1730)
• Lewis Bayly, Rowland Vaughan (cyf.), Yr Ymarfer o Dduwioldeb, yn cyfarwyddo dyn i rodio fal y rhyngo ef fodd Duw (Llundain 1630)

Dolenni Ychwanegol

• Wikidata: Q20734435

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/