FLEETWOOD, WILLIAM (1656 - 1723), esgob a hynafiaethydd

Ganwyd ar ddydd Calan 1656, a bu farw 4 Awst 1723; y mae ysgrif lawn arno yn y D.N.B. Bu'n esgob Llanelwy 1708-14, ac wedyn yn esgob Ely; yr oedd yn Chwig selog, a dioddefodd am hynny ym mlynyddoedd diwethaf Anne. Fel esgob Llanelwy, yr oedd 'ymhell uwchlaw safonau ei gyfnod'; yn ei siars yn 1710 anogodd ei offeiriaid i bregethu yn Gymraeg. Ymddiddorodd yn hanes yr esgobaeth, ac y mae nodiadau ganddo ar y pwnc hwnnw yn llyfrgell plas Llanelwy; rhoes lawer o help i Browne Willis a hynafiaethwyr eraill; ac yn 1713 cyhoeddodd lyfr, The life and miracles of St. Wenefrede , yn ymosod ar y pererindota i Ffynnon Wenffrewi. Yr oedd yn bregethwr hynod huawdl, a chyhoeddwyd nifer o'i bregethau.

Awdur

• Yr Athro Emeritus Robert Thomas Jenkins, (1881 - 1969)

Darllen Pellach

• Erthygl Wicipedia: William Fleetwood

Gweithiau

• William Fleetwood, The Bishop of St. Asaph's charge to the clergy of that diocese, in 1710. And now made publick, by His Lordship's permission (London 1712)
• William Fleetwood, James Davies (cyf.), Dafydd Lewys (gol.), Pregeth a bregethwyd ynghapel Ty-Ely yn Holbourn yn Llundein, ar Ddydd Merchur ym Mehefin y 7, 1716. Sef Dydd y Diolchgarwch Cyhoeddus am fendith Duw ar gynghorion ac arfeu ei fawrhydi yn llonyddu y gwrthryfel annaturiol diweddar (Mwythig 1716)
• William Fleetwood, Michael Jones (cyf.), Y cymmunwr ystyriol, neu, Eglurhad athrawiaeth sacrament Swpper yr Arglwydd yn ei holl rannau, allan o Weinidogaeth y Cymmun. Mewn ymddiddan rhwng Gŵr Eglwysig ag un o'i blwyfolion (Llundain 1716)

Dolenni Ychwanegol

• VIAF: 49248091
• Wikidata: Q8009143

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/