FOULKES, WILLIAM (bu farw 1691), clerigwr ac awdur

Mab i glerigwr (o'r enw John Foulkes, meddai Ashton. Aeth i Goleg Iesu, Rhydychen, yn 1650 (ni roddir ei oedran), a graddiodd yn 1653. Yr oedd yn rheithor segur y Cwm (ger Rhuddlan) yn 1660-1, yn rheithor Llanfyllin (a Llanbrynmair hefyd) 1661-91, gyda Llanfihangel-yng-Ngwynfa o 1680, ac yn ganon yn Llanelwy o 1662 ymlaen. Bu farw yn Llanfyllin ddechrau 1691 - claddwyd 9 Ionawr. Yn 1685, golygodd a chyhoeddodd Gweddi'r Arglwydd wedi ei hegluro, gwaith yr esgob George Griffith; ac yn 1688 gyfieithiad, Esponiad ar Gatecism yr Eglwys, gwaith yr esgob Ken.

Mab iddo oedd WILLAM FOULKES, a raddiodd o Goleg Iesu, Rhydychen, yn 1699 (B.C.L. 1705, D.C.L. 1707). Ceir yr enw 'Gul. Fowkes LL.D. e coll Iesu' ar ôl darn o farddoniaeth yr yr atodiad i Cardiff MS. 26.

Awduron

• Yr Athro Emeritus Robert Thomas Jenkins, (1881 - 1969)
• Griffith Milwyn Griffiths

Ffynonellau

• Foster, Alumni Oxonienses: the members of the University of Oxford
• Charles Ashton, Hanes llenyddiaeth Gymreig o 1651 O.C. hyd 1850 (1893) 85-6
• H. B. Thomas, A History of the Diocese of St. Asaph (1874), i, 360; ii, 230, 234
• J. Gwenogvryn Evans, Reports on Manuscripts in the Welsh Language (Historical Manuscripts Commission 1898–1910), ii, 224

Dolenni Ychwanegol

• Wikidata: Q8009266

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/