FOXWIST, WILLIAM (1610 - 1673);

Ganwyd yng Nghaernarfon, 1610, aer Richard Foxwist a'i wraig Ellen, ferch William Thomas, Aber. Ymaelododd yng Ngholeg Iesu, Rhydychen, 1628; aeth i Lincoln's Inn, 14 Chwefror 1636, a'i alw at y Bar, 17 Mai 1636; daeth yn 'Bencher,' Lincoln's Inn, 6 Chwefror 1649. Dewiswyd ef yn gofiadur S. Albans yn 1645, yn farnwr y Morlys dros Ogledd Cymru, 1646; bu'n is-farnwr cylchdaith Aberhonddu, 1655-9, a daeth yn 'Judge Advocate' cylchdaith Caer yn 1660. Bu'n aelod seneddol sir Gaernarfon, 1647-8, sir Fôn 1654-5, Abertawe 1659, a St Albans 1660. Bu'n gweithredu o dan y 'Committee for Advance of Money' fel stiward maenorau Brenhinwyr y gafaelwyd yn eu tiroedd. Yr oedd yn gymedrol fel gwleidyddwr, yn bleidiol i'r Ddiffynwriaeth, ac ymddengys iddo ymheddychu â'r Adferiad. Profwyd ewyllys William Foxwist, St. Albans, dyddiedig 1673, y flwyddyn honno.

Awduron

• Yr Athro Glyn Roberts, (1904 - 1962)
• Gareth Haulfryn Williams

Ffynonellau

• W. R. Williams, The parliamentary history of the principality of Wales, from the earliest times to the present day, 1541-1895 (Brecknock 1895), 4
• W. R. Williams, The history of the Great Sessions in Wales, 1542-1830, together with the lives of the Welsh judges (Brecknock 1899), 60-1
• W. R. Williams, Old Wales a monthly magazine of antiquities for Wales and the Borders (Talybont Breconshire 1905-1907), i, 257-9, 378-9
• J. E. Griffith, Pedigrees of Anglesey and Carnarvonshire Families (1914), 354

Dolenni Ychwanegol

• Wikidata: Q8009287

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/