HUGHES, CHARLES (1823 - 1886), cyhoeddwr

Ganwyd 3 Mawrth 1823, mab Richard ac Anne Hughes, Wrecsam. Derbyniodd addysg yn y Fairfield Academy ac yn ysgol ramadeg Bridgnorth. Bu am bedair blynedd yn dysgu crefft y cyhoeddwr yn swyddfa Simpkin and Marshall, Llundain (1844-8), ac ar ôl gorffen ei brentisiaeth dychwelodd i dŷ cyhoeddi ei dad yn Church Street, Wrecsam. Fe'i dewiswyd yn gynrychiolydd i'r gynhadledd heddwch yn Frankfurt-Main yn 1848. Bu'n ustus a chynghorydd i'w dref a'i sir, yn llywydd Cymdeithas Rhyddfrydwyr Wrecsam, ac yn ŵr blaenllaw ynglŷn â nifer o gymdeithasau a chwmniau eraill. Priododd Catherine Lewis (1830 - 1867), Penucha, Caerwys. Drwy ei reddf ddisgybledig a'i ymroad i'w waith fe welwyd cynnydd amlwg yn nhŷ cyhoeddi Hughes a'i Fab, a sylfaenwyd yn 1820 gan ei dad. Bu farw yn ei gartre, Brynhyfryd, Wrecsam, 24 Mawrth 1886.

Awdur

• Thomas Bassett, (1889 - 1956)

Ffynonellau

• Thomas Bassett, Braslun o hanes Hughes a'i Fab (Wrecsam 1946), Wrexham 1946
• Wrexham Advertiser, 27 Mawrth 1886

Dolenni Ychwanegol

• Wikidata: Q20732696

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/