HUW ap RHYS WYN (fl. c. 1550), bardd

Aelod o deulu bonheddig Mysoglen, Llangeinwen, sir Fôn; gŵr Catrin ferch Lewys ab Owain ap Meurig o'r Frondeg, Llangaffo. Cadwyd peth o'i farddoniaeth mewn llawysgrifau, ac yn ei phlith gywydd i ofyn cwch pysgota gan Thomas Glyn, Glynllifon, cywydd i henaint, a chywydd mwy anghyffredin ei destun, sef marwnad i'w hoff gi a elwid Bwrdi. Ceir hefyd ymryson rhyngddo â Rhydderch ap Rhisiart. Gwelir ei waith yn y llawysgrifau canlynol: Bodewryd MS 2B , Glyn Davies MS. 1, Llanstephan MS 118 , Llanstephan MS 125 , NLW MS 3056D , NLW MS 832E , NLW MS 9166B . Ceir cywydd moliant iddo gan Dafydd Alaw yn Peniarth MS 63 (132).

Awdur

• Ray Looker

Ffynonellau

• Heraldic Visitations of Wales and Part of the Marches between the years 1586 and 1613, under the authority of Clarencieux and Norroy, two kings at arms (Llandovery 1846), ii, 207
• J. E. Griffith, Pedigrees of Anglesey and Carnarvonshire Families (1914), 83
• John Fisher (gol.),The Cefn Coch MSS. two MSS. of Welsh poetry written principally during the 17th century (Lerpwl 1899), 7

Dolenni Ychwanegol

• Wikidata: Q20733221

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/