JONES, MORGAN (1717? - 1780), Cefnarthen, gweinidog Annibynnol
Dyddiad geni: 1717?
Dyddiad marw: 1780
Rhyw: Gwryw
Galwedigaeth: gweinidog Annibynnol
Maes gweithgaredd: Crefydd
Awdur: John Dyfnallt Owen
Ganwyd yn Tŷ-gwyn, Cefnarthen - yn 1717, fel y tybir. Preswyliai ar ei dir ei hun yn Tŷ-gwyn. Gwasnaethai gyda gweinidogion eraill yn urddiad John Davies yng Nghefnarthen, Awst 1768. Ni wyddys a oedd yn weinidog ordeiniedig neu wedi ei godi i bregethu yn ei eglwys cyn 1771, eithr gwyddys iddo fod yn weinidog Cefnarthen a Pentre-tŷ-gwyn, 1771-80. Derbyniodd rodd oddi wrth y Bwrdd Presbyteraidd yn 1774. Morgan Jones sydd yn arwyddo'r anerchiad (22 Gorffennaf 1754) ' At y Darllenydd ' sydd yn rhagflaenu ail argraffiad (Bryste, 1754) Mer Difinyddiaeth Iachus. Bu farw 1 Ebrill 1780.
Awdur
- Y Parchedig John Dyfnallt Owen, (1873 - 1956)
- Catalogue of Printed Literature in the Welsh Department, Cardiff Free Libraries (1898), 275
- minutes of the Presbyterian Board
- llyfr eglwys Cefnarthen
- Hanes Eglwysi Annibynnol Cymru, iii, 589
- W. Rowlands, Llyfryddiaeth y Cymry (Llanidloes 1869)
Ffynonellau
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.