LEWIS, WILLIAM MORTIMER (1840 - 1880), prifathro Coleg y Bedyddwyr, Pontypŵl

Ganwyd Gorffennaf 1840 ym Meidrym, Sir Gaerfyrddin. Derbyniodd ei addysg gynnar yn ysgol y pentref, a than Alcwyn Evans yng Nghaerfyrddin. Pan oedd yn 13 oed, prentisiwyd ef i ddilledydd yng Nghaerfyrddin am bum mlynedd, ac yn ystod yr amser hwn derbyniodd egwyddorion y Bedyddwyr. Aeth i Goleg Presbyteraidd Caerfyrddin yn 1860, ac ar ôl pedair blynedd yno aeth i Brifysgol Glasgow ac yno cymerodd radd M.A. Yn 1870, aeth i Goleg Regent's Park, ond yn Chwefror 1871 apwyntiwyd ef yn athro yng Ngholeg y Bedyddwyr ym Mhontypŵl. Etholwyd ef yn brifathro'r coleg hwnnw yn 1877, ond collodd ei iechyd a bu farw yn yr Yswisdir 18 Hydref 1880.

Awdur

• Griffith Milwyn Griffiths

Ffynonellau

• T. R. Roberts, Eminent Welshmen: a short biographical dictionary of Welshmen... from the earliest times to the present (1908)
• Y Greal sef Cylchgrawn Misol at wasanaeth y Bedyddwyr, Mawrth 1871, Mehefin 1877, Tachwedd 1880
• H. Blackwell, NLW MS 9264A: A Dictionary of Welsh Biography
• E. Pan Jones, Oriel Coleg Presbyteraidd, Caerfyrddin: yn cynwys hanes yr holl fyfyrwyr fu yn y coleg o 1796 hyd 1899 (Merthyr Tydfil 1909)
• The Baptist Magazine (1809–1904), 1883

Delweddau

• Elliott & Fry, W. Mortimer Lewis
• Elliott & Fry, W. Mortimer Lewis

Dolenni Ychwanegol

• Wikidata: Q20734682

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/