LEWIS, WILLIAM (1835? - 1918), argraffydd a chyhoeddwr llyfrau, Caerdydd;

Ganwyd yn Tewkesbury, swydd Gaerloyw. Bu'n gweithio mewn siop lyfrau yn Cheltenham cyn dyfod i Gaerdydd i weithio dros y ffyrm argraffu a sefydlasid gan John Bird yn 1791. Yn 1866 trosglwyddwyd y fusnes gan Hugh Bird i ddau o'i wasanaethyddion, sef William Lewis a John Williams, a fu'n gyd-bartneriaid hyd 1873, pryd y daeth y fusnes yn eiddo i William Lewis yn gyfan gwbl. Llwyddodd y fusnes yn fawr o dan William Lewis gan ymehangu a dyfod, yng nghwrs amser, y fusnes argraffu a chyhoeddi fwyaf yng Nghymru. Ymddeolodd William Lewis yn 1913 (fe'i dilynwyd ef gan ei fab hynaf, Sidney William Lewis), a bu farw 4 Chwefror 1918 yng Nghaerdydd.

Awdur

• Syr William Llewelyn Davies, (1887 - 1952)

Ffynonellau

• Ifano Jones, 'The House of Lewis,' yn The Pointer (Issued from the House of Lewis by the Sales Promotion Department.) (Caerdydd Hydref 1922), Hydref 1922
• id., A history of printing and printers in Wales to 1810, and of successive and related printers to 1923 (Cardiff 1925)

Dolenni Ychwanegol

• Wikidata: Q20734671

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/