MORRIS, DAVID (‘Eiddil Gwent’; fl. 1798-1878), bardd a llenor

Enw: David Morris
Ffugenw: Eiddil Gwent
Rhyw: Gwryw
Galwedigaeth: bardd a llenor
Maes gweithgaredd: Llenyddiaeth ac Ysgrifennu; Barddoniaeth
Awdur: Thomas Isfryn Jones

Fe'i prentisiwyd yn grydd, a threuliodd y rhan helaethaf o'i fywyd yn Nhredegar. Cyfansoddodd lawer o farddoniaeth a rhyddiaith, ac yr oedd yn un o aelodau blaenllaw Cymreigyddion y Fenni. Bu canu mawr ar rai o'i faledi, a hyd heddiw y mae bri ar ei gân, ‘Can mlynedd i nawr.’ Yn 1862 gwobrwywyd ef yn eisteddfod Cymmrodorion Tredegar am draethawd ar ‘Hanes Tredegar’ a gyhoeddwyd yn 1868. Treuliodd ei flynyddoedd olaf yn nhloty Tredegar, a thra bu yno gyrrai arglwyddes Llanover bunt yn galennig iddo bob Calan. Yr oedd heibio'r 80 mlwydd oed pan fu farw.

Awdur

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/