POWEL, WATCYN (c. 1600 - 1655), gŵr bonheddig, bardd, ac achydd o Ben-y-fai yn Nhir Iarll,

Enw: Watcyn Powel
Dyddiad geni: c. 1600
Dyddiad marw: 1655
Rhiant: Hopcyn Powel
Rhyw: Gwryw
Galwedigaeth: gŵr bonheddig, bardd, ac achydd
Cartref: Ben-y-fai
Maes gweithgaredd: Hanes a Diwylliant; Barddoniaeth; Teuluoedd Brenhinol a Bonheddig
Awdur: Griffith John Williams

mab Hopcyn Powel, a nai i Antoni Powel o Lwydarth. Fe'i hyfforddwyd yng nghelfyddyd cerdd dafod, a cheir chwech o'i gywyddau yn llaw Tomas ab Ieuan o Dre'r-bryn yn llawysgrif Llanover B 1. Ychydig a wyddom amdano, ond dengys y marwnadau a ganwyd iddo gan Edward Dafydd a David Williams ('Dafydd o'r Nant') ei fod yntau, fel ei ewythr, yn achydd ac yn ŵr cyfarwydd â chelfyddyd herodraeth. Ond cyn belled ag y gwyddys, nid oes dim o'i waith ar glawr. Priodolir pob math o bethau iddo yn llawysgrifau ' Iolo Morgannwg ' ond gellir barnu mai ffug ydynt bron i gyd. Y mae'n bosibl, er hynny, fod rhai ohonynt wedi eu seilio ar lawysgrifau o'i waith a welsai ' Iolo ' yn Nhir Iarll a'r ardaloedd cylchynol.

Awdur

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/

Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.

Ewch i'n tudalen codi arian am ragor o wybodaeth.