REES, RICHARD (1707 - 1749), gweinidog Annibynnol Arminaidd
Dyddiad geni: 1707
Dyddiad marw: 1749
Rhyw: Gwryw
Galwedigaeth: gweinidog Annibynnol Arminaidd
Maes gweithgaredd: Crefydd
Awdur: Robert Thomas Jenkins
Ganwyd yn 1707 ar ei dreftadaeth, Gwernllwyn Uchaf, Dowlais; bu yn academi Caerfyrddin dan Thomas Perrot(t). Ar derfyn ei gwrs (1732) urddwyd ef yn gydweinidog â James Davies ar eglwys Annibynnol Cwm-y-glo (Merthyr Tydfil) - Rees yn Armin, a'i gyd-weinidog hyn yn Galfin. Ni lwyddwyd i gydfyw ddim hwy na 1747, pan aeth Rees a'i gyd- Arminiaid allan, a ffurfio eglwys newydd yng Nghefn-coed-cymer - eglwys sydd ers tro mawr bellach yn Undodaidd. Bu Rees farw fis Awst 1749. Cyhoeddwyd tair o'i bregethau yn 1754 gan Phillip Charles, ac yr oedd hefyd yn emynydd.
Awdur
- Yr Athro Emeritus Robert Thomas Jenkins, (1881 - 1969)
- Hanes Eglwysi Annibynnol Cymru, ii, 248-9
- Charles Wilkins, The history of Merthyr Tydfil (Merthyr Tydfil 1867), 178
- W. A. Griffiths, Hanes Emynwyr Cymru (Caernarfon 1907), 245
- Y Geninen, 1907, 44
- W. Rowlands, Llyfryddiaeth y Cymry (Llanidloes 1869), 439
Ffynonellau
- Wikidata: Q20734303
Dolenni Ychwanegol
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.