RHYS, IFAN THOMAS (fl. canol y 18fed ganrif), bardd

Ganwyd yn Llwyndafydd ym mhlwyf Llandysilio, Sir Aberteifi, yn fab i Thomas Rees James. Symudodd o Lwyndafydd ac ymsefydlodd yn Llanarth yn yr un sir. Crydd oedd wrth ei alwedigaeth. Cyfansoddodd farwnad ar farwolaeth Jenkin Jones o Lwynrhydowen. Cyhoeddwyd hi yn Hymnau … o waith y Diweddar Barchedig Mr. Jenkin Jones, 1768. Cyhoeddwyd (ail arg.) ei gân, Y Maen Tramgwydd, yn 1799, ac ymddangosodd casgliad o'i weithiau yn 1842 yn Diliau'r Awen, dan olygiaeth W. H. Griffiths.

Awdur

• Griffith Milwyn Griffiths

Ffynonellau

• Griffith Jones (Glan Menai), Enwogion Sir Aberteifi (1868)
• D. J. Davies, Hanes, Hynafiaethau, ac Achyddiaeth Llanarth, Henfynyw, Llanllwchaiarn, a Llandyssilio-gogo (1875)
• Josiah Thomas Jones, Geiriadur Bywgraffyddol o Enwogion Cymru (Aberdâr 1867-70), ii, 473-4
• Notable Welshmen (1700–1900) (1908)
• bywgraffiad yn Diliau'r Awen, sef, Crynodeb o Waith Awenyddol … Evan Thomas Rhys … ac eraill (1842)
• Robert Williams, Enwogion Cymru. A Biographical Dictionary of Eminent Welshmen (1852)
• Charles Ashton, Hanes llenyddiaeth Gymreig o 1651 O.C. hyd 1850 (1893)
• J. H. Davies (gol.), The Letters of Lewis, Richard, William, and John Morris, of Anglesey, (Morrisiaid Môn) 1728-1765 (1907–9), cyf. II, 392

Dolenni Ychwanegol

• Wikidata: Q20733284

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/