SALUSBURY, Syr THOMAS (1612 - 1643), bardd ac uchelwr

Ganwyd 6 Mawrth 1612, mab hynaf Syr Henry Salusbury, Llewenni, y barwnig 1af, a Hester, merch Syr Thomas Myddelton. Ymaelododd yng Ngholeg Iesu, Rhydychen, ond ni chymerodd radd. Aeth i'r Inner Temple i astudio'r gyfraith, Tachwedd 1631, ond pan bu farw'i dad, 2 Awst 1632, dychwelodd i Lewenni i ofalu am y stad. Etholwyd ef yn fwrdais o dref Dinbych, 10 Medi 1632, ac yn henadur, 1634-8 a 1639, a bu'n aelod seneddol tros ei sir o 1640 hyd ei farw. Ymladdodd yn y Rhyfel Cartref fel un o bleidwyr selog y brenin; credir iddo fod yn bresennol ym mrwydr Edgehill, 23 Hydref 1642, ac ychydig ddyddiau wedi hynny derbyniodd y radd o D.C.L. yn Rhydychen. Bu farw ym mis Gorffennaf 1643. Cyfeirir ato gan Anthony Wood fel ' a most noted poet of his time,' ond yr unig waith a erys ar glawr yw The History of Joseph, a poem (Llundain, 1636).

Awdur

• Emyr Gwynne Jones, (1911 - 1972)

Ffynonellau

• Oxford Dictionary of National Biography, a'r awdurdodau a enwir yno
• J. E. Griffith, Pedigrees of Anglesey and Carnarvonshire Families (1914), 222
• Pollard a Redgrave, A short-title catalogue of books printed in England, Scotland, & Ireland and of English books printed abroad, 1475-1640 (London 1926), 500
• NLW MSS 1551, 5390

Darllen Pellach

• Erthygl Wicipedia: Thomas Salusbury (ganed 1612)

Dolenni Ychwanegol

• Wikidata: Q7529259

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/