SIDDONS, SARAH (1755 - 1831), actores

Ganwyd 5 Gorffennaf 1755 yn nhafarn y 'Shoulder of Mutton' (heddiw, 'The Siddons'), Aberhonddu, i Roger Kemble a'i wraig Sarah Ward - bu ei rhieni'n actio yng nghwmni John Ward, yn Aberhonddu ac ar y goror. Ym mis Mai 1772 ymunodd actor o'r enw William Siddons (o Walsall) â'r cwmni, ac ar waethaf gwrthwynebiad ei rhieni - a'i droi yntau allan o'r cwmni am wneud apêl ar gân i'r gynulleidfa yn Aberhonddu - priodwyd hwy yn Coventry, 26 Tachwedd 1773. Y mae gyrfa fuddugoliaethus Mrs. Siddons yn hysbys ddigon, ac adroddir ei hanes yn y ffynonellau ar ddiwedd yr ysgrif hon; ond ar ôl blynyddoedd ei hieuenctid ni bu fawr a wnelai hi â Chymru, ar wahân i aros o bryd i bryd ym Mrynbela, Dyffryn Clwyd, gyda'i chyfeilles Mrs. Piozzi. Bu farw 8 Mehefin 1831.

Chwaer iddi oedd Julia Anne Hatton, a brawd iddi oedd Charles Kemble.

Awdur

• Cecil John Layton Price, (1915 - 1991)

Ffynonellau

• Cofrestr eglwys Fair, Aberhonddu
• Adam's Weekly Courant, 19 Mai 1772
• Oxford Dictionary of National Biography
• T. Campbell, Life of Mrs. Siddons (Llundain 1834)
• Yvonne French, Mrs. Siddons, Tragic Actress (Llundain 1936)
• Cecil Price, The English Theatre in Wales in the Eighteenth and Early Nineteenth Centuries (Caerdydd 1948)

Darllen Pellach

• James Boaden, Memoirs of Mrs. Siddons: interspered with ancedotes of authors and actors (London 1827), Vol.I
• James Boaden, Memoirs of Mrs. Siddons: interspered with ancedotes of authors and actors (London 1827), Vol.II
• Catherine Galindo, Mrs. Galindo's letter to Mrs. Siddons: being a circumstantial detail of Mrs. Siddons's life for the last seven years; with several of her letters (London 1809)
• Erthygl Wicipedia: Sarah Siddons

Dolenni Ychwanegol

• VIAF: 57410988
• Wikidata: Q234746

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/