WILLIAMS, THOMAS LLOYD (1830 - 1910), llenor yn U.D.A.;

Ganwyd yn Brongaled, Dyffryn Ardudwy, Sir Feirionnydd, 25 Tachwedd 1830. Yr oedd dylanwad y Parchn. Richard Humphreys ac Edward Morgan yn fawr arno. Bu'n siopwr am gyfnod cyn ymfudo i Racine, Wisconsin, U.D.A., 1850; yno agorodd fasnachdy a gweithio hefyd mewn ffatri wlân. Ysgrifennai i'r Drych a newyddiaduron eraill. Cyhoeddodd A brief history of the early Welsh settlers of Racine and of the first Welsh C.M. Church from its organisation in 1842, 1891, a Cymry Racine, Wisconsin; Nodweddion y Genedl Gymreig, 1904. Yn 1856 ysgrifennodd draethawd, ' Cymwysterau Gwladwr Da yn y Talaethau Unedig.' Bu farw 24 Tachwedd 1910.

Awdur

• Robert (Bob) Owen, (1885 - 1962)

Ffynonellau

• Y Drych, 22 Mawrth 1856, 12 Awst 1909, 9 Rhagfyr 1910

Dolenni Ychwanegol

• Wikidata: Q20734503

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/