JONES, DANIEL (1725? - 1806), bardd

brodor o Riwabon a dystiodd na chafodd unrhyw addysg ffurfiol. Ceir detholiad o'i faledi a'i garolau yn Cynulliad Barddorion i Gantorion sef Carolau, Cerddi, ac Englynion, cyfrol o farddoniaeth a olygodd ef ac a gyhoeddwyd yn 1790. A barnu oddi wrth y cerddi hyn profodd dlodi mawr yn ei ddydd, bu'n dda ganddo ar dro gael derbyn nawdd teuluoedd Myddelton o Gastell y Waun, a Llwydiaid Trefor. Mae'n amheus mai ef a gyfieithodd i'r Gymraeg ran o lyfr y Dr. John Gill Exposition of the Revelation of St. John fel y dywedir yn Llyfryddiaeth Sir Ddinbych, iii, 67.

Yn ôl NLW MS 325E (39) 'roedd dros ei 80 mlwydd oed pan fu farw tua diwedd 1803, ond yn ôl cofnodion swyddogol Esgobaeth Llanelwy ar 10 Mawrth 1806 y claddwyd ef o'r elusendy yn Rhiwabon.

Awdur

• Dr David Jenkins, (1912 - 2002)

Dyddiad cyhoeddi: 1970

Hawlfraint Erthygl: http://rightsstatements.org/page/InC/1.0/