DAVIES, MARGARET SIDNEY (1884 - 1963), casglydd celfyddydwaith a chymwynasydd

chwaer Gwendoline Elizabeth Davies Ganwyd yn Llandinam, Trefaldwyn, 14 Rhagfyr 1884. Er mai ar y cyd â'i chwaer y cyflawnwyd y rhan fwyaf o'i gweithgarwch, yr oedd hi ei hun yn arlunydd amatur eithaf derbyniol. Yr oedd ' Miss Daisy ' fel y gelwid hi fynychaf, yn fwy confensiynol ei chwaeth na'i chwaer, ond ar ôl marwolaeth Gwen fe helaethodd ei chasgliad o beintiadau i gynnwys Bonnard, Kokoschka, Sisley, Utrillo ac eraill. Hefyd fe brynodd weithiau gan arlunwyr Prydeinig cyfoes, gyda'r bwriad o osod seiliau casgliad teithiol wedi iddynt gael eu gadael i'r Amgueddfa Genedlaethol.

Derbyniodd radd LL.D. er anrhydedd gan Brifysgol Cymru yn 1949, ac yn 1960 fe gyflwynodd ei chartref a'r ystad yn rhodd haelionus i'r Brifysgol, i'w defnyddio'n ganolfan breswyl gynadleddol a chelfyddydol. Fe barhaodd hithau i fyw yn y neuadd fel deiliad hyd ei marw yn Llundain ar 13 Mawrth 1963. Claddwyd ei llwch yn Llandinam.

Awdur

• Glyn Tegai Hughes

Ffynonellau

• Am gyfeiriadau gweler yr erthygl ar ei chwaer

Darllen Pellach

• Beryl H. Griffiths, Mamwlad (Gwasg Carreg Gwalch Llanrwst 2016), tt.133-154
• Trevor Fishlock, A gift of sunlight (Llandysul 2014)
• Andrew Renton, Welsh History Month: Gwendoline and Margaret Davies helped to transform the range and quality of Wales's national art collection, Wales Online, 23 October 2015
• The Davies sisters, BBC Walesarts, 25 Ionawr 2011
• Y Chwiorydd Davies, Amgueddfa Genedlaethol Caerdydd
• The Davies sisters: Gregynog and the sisters
• The Davies Sisters at the Front in World War One
• Erthygl Wicipedia: Margaret Davies

Dolenni Ychwanegol

• VIAF: 42729615
• Wikidata: Q540181

Dyddiad cyhoeddi: 1997

Hawlfraint Erthygl: http://rightsstatements.org/page/InC/1.0/