JONES, LEIFCHILD STRATTEN LEIF (1862-1939), gwleidyddwr Rhyddfrydol a phleidiwr dirwest

Ganwyd yn Llundain 16 Ionawr 1862, mab Thomas Jones (1819 - 1882). Graddiodd yn y dosbarth blaenaf (1885) mewn mathemateg yng Ngholeg y Drindod, Rhydychen. Ar ôl sawl cais aflwyddiannus mewn mannau eraill, bu'n aelod seneddol dros ogledd Westmorland, 1905-10; Rushcliffe (Notts), 1910-8; Camborne (Cernyw), 1923-4 a 1929-31. Dyrchafwyd ef i'r bendefigaeth yn 1932, dan y teitl arglwydd Rhayader. Bu farw 26 Medi 1939 (Who was Who)

Bu yn Scotch College Melbourne cyn mynd i Rydychen lle y graddiodd yn M.A. yn 1889. Daeth yn aelod o'r Cyfrin Gyngor yn 1917; bu'n llywydd yr United Kingdom Alliance (mudiad dirwestol) 1906-32, a llywydd y Liberal Council 1934-37. Newidiodd ei enw i Leif-Jones 11 Ionawr 1932.

Awdur

• Dr Llewelyn Gwyn Chambers

Ffynonellau

• L. G. Pine, New extinct peerages 1884-1971, containing extinct, abeyant, dormant & suspended peerages with genealogies and arms (Llundain 1972), 229
• The Times, 27 Medi 1939
• Who's who of British members of parliament a biographical dictionary of the House of Commons based on annual volumes of 'Dod's parliamentary companion' and other sources: Vol.1. 1832-1885 (1976)

Darllen Pellach

• Archifau LlGC: General Election 1906 Wales and Monmouthshire. A Souvenir containing photographs, biographical sketches etc., of all the Welsh MP's: Lief Jones

Dolenni Ychwanegol

• Wikidata: Q6519485

Dyddiad cyhoeddi: 1997

Hawlfraint Erthygl: http://rightsstatements.org/page/InC/1.0/